Haradinaj i pakënaqur me rritjen që bëri Kurti: Në qeverinë tonë pensioni do jetë 200 euro, paga minimale 600 euro

13:38 | 31 Tetor 2025
Gita

Kryetari i Aleancës për Ardhmërinë e Kosovës (AAK), Ramush Haradinaj, ka reaguar lidhur me vendimet e Qeverisë në detyrë për rritjen e pensioneve, pagës minimale dhe shtesave për fëmijë.

Sipas Haradinajt, masat janë të vonuara dhe do të kishin pasur nevojë të implementoheshin shumë vite më parë.

“Shumë vonë, shumë pak. Marre! Kjo rritje është dashur të ndodhë para shumë vitesh.Në takimin e parë të qeverisë sonë, pensioni bazik do të jetë 200 euro, ndërsa paga minimale do të jetë 600 euro. Shtesat për të gjithë fëmijët nga 0–16 vjeç do të kenë rritje të konsiderueshme. Nënat me dy fëmijë do të marrin 100 euro, ndërsa nënat me katër fëmijë do të marrin 300 euro në muaj”, ka shkruar Haradinaj./Arbresh.info/